Gushti është koha kur të gjithë pushojmë dhe në shumë raste është muaji ku një pjesë e madhe e njerëzve përdorin avionin për të udhëtuar. Por ekzistojnë disa mënyra të udhëtimit, duke nisur që nga radhët e gjata në aeroport deri tek zgjedhja e vendit të preferuar të sedilieve ku ndihen më pak turbulencat. Më poshtë po ju tregojmë disa marifete të udhëtuesve të përhershëm për të fluturuar më mirë.
Wimdu, platforma më e madhe evropiane për gjetjen e apartamenteve në qytete të ndryshme, na rrëfen në këtë galeri të thjeshtë, gjithë sekretet për të udhëtuar siç duhet.
Hapi i parë është kontrolli në check in, ku askush nuk i shpëton dot. Më pas vjen kontrolli i valixhes së dorës, por ka disa sekrete për ta bërë më të shpejtë këtë proces. Pjesa më e madhe e njerëzve e kanë më të zakonshme të drejtohen dhe të zënë anën e djathtë në radhë, ndaj nëse doni të ikni sa më shpejt nga ky kontroll, bëni mirë të kaloni në anën e majtë. Nëse në të dyja anët radhët janë shumë të gjata, këshillohet të qëndroni pranë personave që udhëtojnë për punë. Në ndryshim nga ata që udhëtojnë për pushime, personat që fluturojnë për çështje pune kanë më pak bagazhe dhe kontrolli i tyre është më i shpejtë.
Në bordin e avionit, zgjedhja e vendit varion nga pasagjer, në pasagjer në bazë e deri tek kërkesat nga më të ndryshmet. Ka nga ata që kanë frikë të fluturojnë dhe kërkojnë vende ku nuk ndihen shumë turbulencat, nga ata që duhet të flenë dhe kërkojnë një end larg nga fëmijët e vegjël dhe ka edhe nga ata që duan komoditet e ta kenë tualetin afër. Në rastin e fundit, bëni kujdes dhe mos e ekzagjeroni, pasi është gjithmonë rreziku i aromave të vjetra.
Ndërsa sa i takon fazës së fundit të udhëtimit, tërheqjes së bagazheve, nuk është se mund të bëjmë shumë për t’i tërhequr sa më parë ato pasi rrezikojmë të humbasim gjërat me vlerë, apo më keq akoma, të ngatërrojmë bagazhet. Zgjidhja e vetme është të përdorim etiketa të ndryshme që të mund të identifikojmë njërën valixhe nga të tjerat./tesheshi.com/
