Një pellg me gjak, gruaja që kishte hemorragji dhe një fetus 6-7 muajsh i pajetë mbi krevat, i mbështjellë me një mbulesë. Kjo është skena e tmerrshme që i doli përpara një mjeku afrikan, rezident në Modena të Italisë, sapo hyri në shtëpi.
Ai lajmëroi menjëherë urgjencën, e cila mbërriti në vendngjarje bashkë me policinë. Gruaja u transportua me urgjencë në spital, ndërsa çifti deklaroi se nuk ishin në dijeni të shtatzënisë.
Deklarimet e dy bashkëshortëve, të cilët banojnë në një lagje në rrugën Tamburini dhe prindër të një fëmije tjetër disa vjeçar, janë marrë nga një prej investiguesve. Hetuesve u ka ngjallur dyshime profesioni i bashkëshortit dhe fakti se gruaja nuk ndodhej përpara eksperiencës së parë të shtatzënisë.
Ndërkaq, vijojnë hetimet në lidhje me jetën e çiftit ndërsa mbi fetusin do të bëhet autopsia./tesheshi.com/
