Jamarbër Malltezi, dhëndrri i ish-kryeministrit Sali Berisha, ka reaguar në lidhje me mbledhjen e djeshme të kryesisë së PD-së, ku ai nuk ka nguruar të prehë kritika ndaj Lulzim Bashës.
Malltezi e cilëson këtë mbledhje, si ndër më të mirat, pasi çdo anëtari iu dha mundësia të shprehte mendimin e tij.
Ndërsa pohon incidentin e ndodhur në fillim të mbledhjes mes Jemin Gjanës dhe Valbona Mezinit, Malltezi shkruan se pushteti i korruptuar me para droge blen gjithkënd, ambasadorë dhe europarlamentarë.
“Të nderuar miq, mbledhja e djeshme e kryesisë së PD – pavarësisht një indicenti të papëlqyeshëm në fillim – ishte ndofta mbledhja më e mirë që kemi pasur, pasi çdokush pati një mundësi të flasë dhe të thotë mendimet e tij/saj siç i mendon.
Debati ishte me frymë konstruktive dhe me ndjenjën e merakut për të ardhmen e PD dhe përballjen me pushtetin e korruptuar që me para droge, vjedhje pronash publike etj, blen gjithkënd, përfshi ambasadorë dhe europarlamentarë.
Zgjati plot 4 orë dhe 20 minuta dhe doli me një vendim unanim çfarë është një vlerë e shtuar dhe jep shpresë për një reflektim më të mirë dhe bashkim. Zoti na ndihmoftë në përballjen me të keqen që ka pushtuar vendin!”, shkruan Malltezi në rrjetet sociale. /tesheshi.com/
