Komisioni Hetimor për privatizimin e CEZ është shtyrë sërish dhe shkak është bërë ish-kryeministri, Sali Berisha. Ndonëse është thirrur vazhdimisht me shkresa zyrtare, Berisha ka refuzuar të shkojë për të tretën herë radhazi.
Javës që kaloi, kryetari këtij komisioni, Taulant Balla e “kërcënoi” se do të bënte kërkesë që ta sillte prezent me forcë, me ndërmjetësimin e policisë.
Në këto kushte, përmes Arben Ristanit u njoftua se deputeti demokrat do të jetë i gatshëm të dëshmojë, në mbledhjen e radhës, që zhvillohet pas një jave.
“Ju njoftoj se z. Berisha nuk u paraqit sot në komision për arsye objektive. Ju bëj me dije, se ai do të jetë i pranishëm në mbledhjen e radhës”, shkruhet në reagimin e zyrës së shtypit.
Veç Berishës, Balla ka kërkuar në mbledhje të dëshmojë edhe ish-deputeti demokrat, Viktor Gumi, lidhur me ndryshimet e kritereve të privatizimit të CEZ./tesheshi.com
