Fotografi e video japin të dhëna alarmante për trajtimin që u bëhet refugjatëve në kampet hungareze në kufi me Serbinë. Aty tregohet sesi refugjatëve iu hidhen çanta me ushqime si të mos ishin qënie humane, ndërsa qytetarët që kanë filmuar thonë të indinjuar se refugjatët po trajtohen si kafshë dhe apelojnë shtetet europiane të hapin kufijtë.
Një numër i madh refugjatësh mbeten të bllokuar në Hungari, në rrugën drejt Austrisë, Gjermanisë e Suedisë, vendeve europiane që mirëpresin refugjatë.
Hungaria sidomos, është shndërrua në një pikë tranziti në rrugëtimin e refugjatëve drejt veriut të Europës. Rreth 150 mijë refugjatë kanë mbërritur vetëm gjatë këtij viti.
Filmimet në Hungari vijnë nga kampi në Roszke, një nga kampet e stërmbushura ku ndodhen refugjatët që kërkojnë të shkojnë më në veri.
Video është xhiruar nga Michaela Spritzendorfer, gruaja e një politikani të partisë së Gjelbër austriake e cila po shpërndante ndihma në kamp, si dhe nga një gazetar e aktivist austriak, Klaus Kufner.
“Këta njerëz kanë udhëtuar tre muaj në kushte të tmerrshme”, tha Spritzendorfer, duke shtuar se pas këtij rrugëtimi, “ne I mbajmë në kampe si të ishin kafshë. “Eshtë përgjegjësi e politikanëve europianë të hapin kufijtë menjëherë”, tha ajo.
Mungesa e mbështetjes për refugjatët në Hungari është kritikuar ashpër nga aktivistët, të cilët e kanë përshkruar situatën në kampin Roszke si “jonjerëzore”. /tesheshi.com/
