Gerard Pique, duket nuk është aspak i shqetësuar nga vërshëllimat që po i merr në çdo stadium të Spanjës. Mbrojtësi katalanas ka mbajtur një konferencë për shtyp për të qartësuar çdo gjë rreth deklaratave të tij shumë polemizuese, ku ai thotë se tifozët kanë të drejtë të vërshëllejnë himnin spanjoll nëse nuk e pëlqejnë atë.
Gjatë conferences, Pique ka folur shumë dhe për disa problematika, ndërkohë “tesheshi.com” u sjell dhjetë frazat më interesante të dala nga goja e tij:
“Nuk do të ndryshoj veten time asnjëherë sa i përket marrëdhënieve ndërmjet Barcelonës dhe Real Madridit. Gjithmonë do jem i tillë”.
“Shpresoj që punët e Real Madridit të shkojnë më së keqi”.
“Kisha veshur fanelën e Buffonit në ndeshjen e gjysmëfinales së Ligës së Kampionëve ndërmjet Juventusit dhe Real Madridit”.
“I kam telefonuar Iker Casillasit para ndeshjes në Calderon përballë Altetico Madridit dhe i kam thënë që do të shënojmë katër herë. Ashtu edhe ndodhi”.
“Për mua, vërshëllimat në Bernabeu janë simfoni”.
“Që kur kam debutuar me fanelën e përfaqësueses, ky është momenti më i mirë që kam patur me Sergio Ramosin”.
“Së fundmi disa kanë dëshirë që unë të largohem nga kombëtarja. Por, do jem aty gjithmonë deri sa të marr ftesë nga trajneri, pavarësisht fishkëllimave”.
“Fitoj 50 herë më shumë para me Barcelonën se me kombëtaren”.
“E di që nuk kam bërë mirë me deklaratën time lidhur me Kevin Roldan, por jeta është e tillë”.
“Për momentin jam shumë i qetë. Dje isha në piknik për të mbledhur kërpudha. Mbusha vetëm tre shporta dhe jam shumë i kënaqur”. /tesheshi.com/
