Stojançe Angellov, ish-drejtuesi i forcave special maqedonasë lëshoi një deklaratë të fortë. Gjeneral dhe lideri aktual i partisë maqedonase “Dostoinstvo” (Dinjiteti) në një fjalim qysh më 4 Prill tha se Qeveria ka paguar 2 milionë euro për të provokuar konfliktin ndëretnik, kurse për atë qeveria ka akuzuar atë dhe liderin e LSDM-së Zoran Zaev.
Dikush në vendin tonë ka bërë një plan monstruoz për konflikt ndëretnik dhe kemi informacion se u janë dhënë 2 milionë euro shqiptarëve të cilët nuk kanë lidhje me UÇK-në, siç thotë ai disa kriminelëve nga rajoni i Likovës. Detyra e tyre ishte të paraqiten si UÇK dhe të bëjnë vrasjen e disa pjesëtarëve të policisë apo të ushtrisë dhe të shkaktojnë konfliktit ndëretnik.
Ndërkaq janë lënë të lirë shumica e burrave dhe të rinjve, banorë shqiptarë të Lagjes së Trimave në Kumanovë që ishin ndaluar dje nga policia gjatë operacionit në këtë vendbanim.
Njëri nga banorët e ndaluar nga policia deklaroi se për orë të tëra ishin mbajtur në një lokalitet mbi Lagjen e Trimave dhe se janë liruar rreth orës 22.40.
“Ne ishim duke dalë me familjen tonë për t’u evakuuar, policia na ndaloi dhe nga dyshimet që kishte na mbajti aty, ndërsa familjarët e tjerë gratë dhe fëmijët, e më të moshuarit i liruan. Pas disa orëve kemi qëndruar në ankth sepse nuk e kemi ditur se çka do të ndodhë me ne. Ku i dihet çfarë skenare ka pasur. Por shyqyr Zotit që na liruan dhe përfundoi ky tmerr”.
