Një bankë franceze dhe një zvicerane të zotëruara nga dy degë të dinastisë Rothschild, ranë dakord të premten për t’i dhënë fund një mosmarrëveshjeje të gjatë mbi emrin e familjes duke premtuar se asnjëherë nuk do të quhej vetëm “Rothschild”.
Në vitin 2015, grupi i Zvicrës me Edmond de Rothschild, i kryesuar nga i biri i Edmondit, Benjamin dhe gruaja e tij Ariane, mori masa ligjore kundër Rothschild & Co me bazë në Paris, i kryesuar nga nipi i Benjaminit, Alexandre.
Benjamin dhe Ariane akuzuan të afërmit e tyre për shkaktimin e konfuzionit duke përdorur emrin e Rothschild-it si një markë të pavarur, duke thënë se potencialisht do të cenonte anëtarët e tjerë të familjes.
Në marrëveshjen e arritur të premten, të dy palët ranë dakord të përdorin gjithmonë elemente të tjerë dallues bashkë me emrin e familjes për t’u identifikuar.
“Asnjë grup nuk mund ta përdorë vetë emrin Rothschild në asnjë formë në të ardhmen”, thanë firmat në një deklaratë të përbashkët.
Rothschild & Co do të ndalojë përdorimin e faqes së internetit www.rothschild.com, tha një zëdhënëse e kompanisë. Tani do të përdorë emrin Rothschild Martin Maurel për aktivitetet bankare private në Francë, Belgjikë dhe Monako, ndërsa filiali i saj francez i investimeve do të quhet ende Rothschild & Co.
Përdorimi i emrit është i ndjeshëm për shkak se disa anëtarë të familjes kanë të bëjnë me krijimin e një marke të konsoliduar Rothschild, gjë që potencialisht që mund të çojë në shitjen e saj tek një blerës jashtë, duke kufizuar aftësinë e gjeneratave të ardhshme për të përfituar nga kjo.
E themeluar nga Mayer Amschel Rothschild në shekullin e 18-të, dinastia ka ndikuar në disa nga ngjarjet më të mëdha të historisë, duke përfshirë financimin e luftës së Britanisë kundër Francës së Napoleonit.
Marrëveshja i jep fund procesit gjyqësor dhe vulos një pajtim mes kushërinjve. “Të dy grupet gjithashtu kanë rënë dakord të punojnë së bashku për të mbrojtur emrin e familjes në sektorin bankar”, tha deklarata e përbashkët.
Si pjesë e marrëveshjes, të dyja firmat vendosën të lëshonin aksionet që ua zotëronin njëra-tjetrës. /tesheshi.com/
