Shkatërrimi që la prapa Uragani Maria në territorin amerikan të Puerto Rikos është bërë një tjetër pikë referimi për prioritetet e presidentit Donald Trump, pasi u fotografua duke ia mbathur në fushën e tij të golfit në New Jersey të premten.
Një pjesë e madhe e 3.4 milionë banorëve të ishullit janë pa energji, ushqim dhe ujë të pastër dhe të paktën 16 vetë kanë vdekur si rezultat i Uraganit Maria.
Presidenti Trump ka pasur një reagim tepër të zhurmshëm për të kompensuar heshtjen e tij të mëparshme në lidhje me operacionin për shpëtim në Porto Riko.
Në një konferencë për shtyp të premten, kryebashkiakja e kryeqytetit San Juan, Carmen Yulín Cruz, kërkoi ndihmë federale.
“Ne po vdesim, ndwrsa ju po na vrisni me paefektshmërinë dhe burokracinë. Kjo është ajo që ne pamë natën e kaluar: katër paleta uji, tre paleta ushqimi dhe 12 paleta ushqim për foshnja, të cilat i dhamë popullit të Comerio. Më ka ardhur në majë të hundës duke u treguar e sjellshme. Mjaft u tregova politikisht korrekte. Jam aq e hidhëruar sa nuk gjej fjalë”, tha ajo.
Presidenti bëri më pas disa postime në Twitter në të cilat kritikon kryebashkiaken të jetë treguar ‘e paedukatë’.
Jason Kander, një ish-zyrtar qeveritar në administratën e Obamës, ndau këtë imazh të Kruzit duke ecur nëpër ujë pas përmbytjeve.
Imazhi, i cili u shfaq nga NBC dhe CNN, është shpërndarë në mënyrë virale, bashkë me ato të Donald Trump-it në fushën e golfit.
Sipas MSNBC, kjo është dita e 67-të që presidenti ka luajtur golf që kur u betua si President në janar.
Kritikët e tjerë të Trump përfshinin edhe të famshmën Kim Kardashian West, e cila të shtunën i kërkoi me edukatë Presidentit të ndalonte me postime në Twitter. /tesheshi.com/
