Pas problemeve të shumta me Galaxy Note 7, kompania koreane ka njoftuar se do të modifikojë prodhimin e kësaj pajisjeje.
Me sa duket, zëvendësimi i kësaj linjeje të prodhimit nuk e ka zgjidhur problemin.
Amerikanja AT&T dhe gjermanja T-Mobile janë ankuar se telefonat e zëvendësuar kanë shfaqur të njëjtat probleme: bateria, e cila nëse rikarikohej nxehej jashtë mase, e në disa raste shpërthente.
“Po modifikojmë linjen e prodhimit,” ka bërë të ditur një shënim i kompanisë koreane. “Kemi ndërmend të përmirësojmë cilësinë dhe të hetojmë në detaje rastet e shpërthimit të baterisë.”
Kjo komunikatë për shtyp është publikuar pasi një agjenci lajmesh koreano-jugore kishte njoftuar se prodhimi i Galaxy Note 7 ishte pezulluar përkohësisht pas një debati me autoritet e mbrojtjes së konsumatorit në Seul. /tesheshi.com/
