Ambasadori serb në Arabinë Saudite, Muhamed Jusufspahiç, ka ofruar një precedent të rrallë në sjelljen diplomatike, pasi i është lutur hem Zotit e hem autoriteteve në Beograd, për t’i siguruar një automjet zyrtar, me qëllim që të mund të kryente me të të gjithë impenjimet e detyrës.
Ai i ka përcjellë një letër drejtuesve të Ministrisë së Jashtme serbe, ku shkruan:
“Më ndihmo Zot, që udhëheqja e departamentit tonë për marrëdhëniet me vendet e huaja t’i sigurojë përfaqësisë së vendit tonë në kryeqytetin saudit një mjet të mirë transporti me targa diplomatike. Më ndihmo i Zot!”, ka shkruar Jusufspahiç në telegramin dërguar eprorëve në Beograd, publikuar në gazetën Blic.
Gazeta thekson se nga teksti i telegramit mund të konkludohet se kjo nuk është hera e parë që Jusufspahiçc e ngre çështjen e një automjeti, pasi siç duket, deri më tani ka lëvizur vetëm brenda Riadit.
Dhe – komenton Blic – duke patur parasysh imazhin e cunguar të një ambasadori që lëviz pa një makinë, kjo mund të jetë e rrezikshme edhe për shëndetin e tij për shkak të temperaturave të larta në vend.
Blic citon ministrin e Jashtëm Ivica Daçiç, që t’i ketë thënë gazetës se automjeti do i shkojë shumë shpejt ambasadorit.
“Përndryshe, ajo është një ambasadë të re dhe vërtet që nuk ka asnjë makinë zyrtare me targa diplomatike. Kjo do të thotë se ai ka të drejtë të përdorë një makinë, por nuk ka një targë diplomatike. Tani ado t’i marrin ato”, tha Dacic.
Ish-myftiu i Bashkësisë Islame të Serbisë, Muhamed Jusufspahiç është ambasadori i parë serb në Arabinë Saudite. /tesheshi.com/
