Cristiano Ronaldo ka marrë edhe zyrtarisht Këpucën e Artë, trofe ky që i jepet për golashënuesin më të mirë në Europë. Kështu, portugezi që luan me Real Madridin fiton për herë të katërt në karrierë këtë çmimin, më shumë se askush tjetër.
I shoqëruar nga Presidenti i klubit, Florentino Perez dhe trajneri i tij, Rafael Benitez, Ronaldo u shpreh i lumtur për arritjen e këtij suksesi, ndërkohë që atë të tërin ia dedikon bashkëlojtarëve të tij.
“Falenderoj të gjithë ata që jeni prezent me mua, që më ndihmuat të jem sot këtu ku jam. Të fitosh katër herë ‘Këpucën e Artë’ është një nder dhe privilegj. Megjithatë, unë nuk jam edhe aq i kënaqur, kërkoj gjithmonë e më shumë, të fitoj të pestin apo edhe të gjashtin me rradhë. Por, mbi të gjitha kërkoj të fitoj Ligën Spanjolle, Ligën e Kampionëve dhe Kupën e Mbretit”, përfundoi Ronaldo.
Ronaldo me katër herë të fituar “Këpucën e Artë”, lë pas vete argjentinasin Lionel Messi që ka fituar tre herë, Eusebion dhe Gerd Mullerin që kanë fituar nga dy herë. /tesheshi.com/
