Jo vetëm Barcelona por dhe budallallëku njerëzor që e cilësoi Messi-n si Zot, ka marrë një goditje të rëndë mbrëmjen e kësaj të martën në Anflield.
Liverpool, pa dyshen e frikshme të sulmit Salah-Firminho, ka arritur një ndër fitoret më historike, duke mundur po me një rezultat historik, 4-0, Barcelonën e madhe. Ka qenë një përmbysje spektakolare rezultati, pasi ndeshja e parë përfundoi 3-0 për katalanasit.
Shaqiri që zëvëndësoi Salah në krah, nuk mundi të ishte në listën e golashënesve, por si ai e si Mane, ishin motorët e sulmit, ku golat u finalizuan: dy nga Origi e dy nga Wijnaldum, një në pjesën e parë dhe tre në të dytën.
Mesi, zoti i marrëzisë njerëzore, edhe pse gjithnjë i frikshëm me lojën e tij prej balerini, nuk mundi të qe i tillë më tej se kufijtë e zonës së portës kundërshtare.
Ndeshja shërbeu, ndër të tjera, për të treguar se argjentinasi nuk është veçse një njeri.
Liverpool shkon kështu për herë të dytë radhazi në finalen e Champions League, ku pret një nga dy sfidantët, Tottenham ose Ajax. /tesheshi.com/
