Qeveria nuk do e vërë sërish dorën në zemër për t`ia shtyrë dhe njëherë datën-afat të shlyerjes atyre që janë debitorë ndaj energjisë. Kjo u paralajmërua nga administratori i OSHEE-së, Adrian Çela, i cili dhe njëherë u bëri thirrje debitorëve që të nxitojnë për të përfituar nga skema e shlyerjes së detyrimeve.
Por 31 marsi, si një afat i ri i vendosur për t`u dhënë mundësi shlyerje debotorëve, nuk do ndryshojë. Pra, nuk do ketë më shtyerje siç ndodhi pak ditë më parë, ku nga afati 28 shkurt, u kalua në 31 mars. Kjo, dhe për shkak të rradhëve të gjata për t`i “larë duar” me shtetin në pagesën e detyrimeve të pashlyera. “Pandaj askush të mos e lërë në ditën e fundit të hyjë në marrëveshje me OSHEE për pagesat me këste dhe ulje me 80% të kamatës”, vërejti Çela.
Qeveria ka marrë angazhim që brenda pak viteve, ta mbyll përfundimisht gropën e madhe financiare në sistemin energjitik. Dhe si hap i parë është aksioni ta paguar një më një energjinë, përfshirë dhe atë të prapambeturën në vite, si nga bizneset e si nga konsumatorët familjarë. /tesheshi.com/
