Skena të papara janë regjistruar në bregdetin italian të Adriatikut, në të cilat për shkak reshjeve të breshërit në mes të verës, vendet turistike kanë marrë pamjen sikur atje të ketë rënë borë.
Në një pjesë të bregdetit italian rreth Grottammare, breshëri ka mbuluar tokën, duke bërë që ajo të duket sikur të jetë mbuluar nga bora.
Reshje breshërit ka pasur edhe në brendi, duke shkaktuar dëme materiale, ndërkohë që copat e breshërit kanë qenë aq të mëdha sa kanë thyer xhamat e veturave.
Plazhet ishin krejtësisht të bardha, të mbuluar me copa akulli. Breshëri në bregdetin italian ka shkaktuar dëme të konsiderueshme materiale.
Një person i cili ka ndarë video të kataklizmës, shkroi në Facebook: “Ky është fundi i botës!” /tesheshi.com/
