Pritësi: Argjentina
Skuadra: 16
Formati: Faza në grup, raundi i dytë, play-off për vendin e tretë, finale
Ndeshje: 38
Golat: 102
Kampion: Argjentina
Nënkampion: Holanda
Këpuca e Artë: Mario Kempes (Argjentinë)
Sfondi
Argjentina, pas vitesh refuzimi për të pritur Kupën e Botës dhe bojkotimin e turneve finale, më në fund mori shansin për të organizuar një Botëror futbolli.
Logoja e turneut bazohej në gjestin e famshëm të dorës së ish-presidentit Juan Peron.
Udhëheqja ushtarake e vendit kërkoi ndryshimin e logos, por ktheu kursin pas kritikave.
Këto nuk ishin të vetmet kritika ndaj kreut të vendit pritës, i cili u akuzua për ndërhyrje në turne dhe përpjekje për të siguruar një avantazh për Argjentinën.
Disa nga skuadrat e mëdha, si Belgjika, Anglia dhe Uruguai, nuk arritën të kalonin në turneun final, ndërsa Irani dhe Tunizia u shfaqën për herë të parë.
Legjenda holandeze Johan Cruyff luajti në kualifikuese, por nuk pranoi të luante në finale, pas tentativës për rrëmbimin e anëtarëve të familjes së tij në Barcelonë.
Kampioni në fuqi Gjermania Perëndimore luajti pa yllin e triumfit të vitit 1974, Gerd Mueller.
Holanda arriti në finalet e Kupës së Botës për herë të dytë radhazi, por humbi sërish, sërish nga vendi pritës, ashtu si në vitin 1974 në Gjermaninë Perëndimore.
Goli i yllit argjentinas Mario Kempes (në ’96-ën, në kulmin e firmave piramidale do vinte në Shqipëri për të drejtuar Lushnjën si trajner) u mjaftoi vendasve vetëm deri në minutën e 82-të, kur Dick Nanning barazoi dhe fitoi kohën shtesë për Holandën.
Kempes shënoi një tjetër gol në kohën shtesë dhe triumfin e Argjentinës e konfirmoi Daniel Beroni.
Ishte titulli i parë i kampionatit botëror të Argjentinës, i cili shkaktoi festime të egra në vend.
Skuadra holandeze refuzoi të marrë pjesë në ceremoni pas finales.
Anët e mira
Irani dhe Tunizia luajtën për herë të parë në Kupën e Botës.
Anët negative
Turneu u shënua nga polemika rreth udhëheqjes ushtarake të Argjentinës dhe përpjekjeve të saj për të ndikuar në rezultatet e ndeshjeve.
Ndeshja mes Argjentinës dhe Brazilit u karakterizua nga përplasje të egra.
Humbësi në finale bojkotoi ceremoninë e mbylljes për shkak të asaj që ata thonë se ishte lojë e padrejtë. /tesheshi.com/
