Miliarderi amerikan Michael Bloomberg planifikon të shpenzojë rreth 15 milion dollarë gjatë javës së fundit të fushatës për të ndihmuar kandidatin demokrat për president Joe Biden të mposhtë Presidentin e tanishëm Donald Trump në Teksas dhe Ohio, raportoi New York Times të martën, duke cituar një bashkëpunëtor të Bloomberg.
Ish-kryebashkiaku i New York-ut, i cili humbi me Biden në garën për nominimin demokratik, ka premtuar të shpenzojë deri në 100 milion dollarë në para personale për të mbështetur fushatën e Biden për zgjedhjet e 3 nëntorit.
Gazeta thekson se Bloomberg e pa Florida-n si një vend ku ai mund të “shtynte” Biden, dhe se të hënën ai ra dakord të ndajë fonde për reklama televizive në Teksas dhe Ohio, pasi iu prezantuan rezultatet e sondazheve sipas të cilave Biden është ende në garën në ato dy shtete.
Rritja e fushatës në Florida
NYT shton se do të rrisë gjithashtu fushatën reklamuese për Biden në Florida.
Trump fitoi zgjedhjet presidenciale 2016 në Teksas dhe Ohio dhe beson se këto dy shtete janë kryesore për rizgjedhjen e tij.
Presidenti aktual u konsiderua favorit në të dy vendet në fillim të fushatës.
New York Times shprehet se në asnjë nga ato dy shtete nuk kishte një fushatë të fortë reklamuese në televizion, si në shtetet e tjera të ndara, që mund të nënkuptojë se investimi në reklama në vijën e finishit do të jetë efektiv. /tesheshi.com/
