Princi i kurorës i Arabisë Saudite, Mohammed bin Salman – udhëheqësi de fakto i mbretërisë sunite – tha së fundi se Riadi nuk do të njohë ekzistencën e Izraelit pa krijimin e një shteti palestinez më parë.
Princi i kurorës dënoi kategorikisht “krimet e okupimit izraelit” kundër popullit palestinez, në një ndryshim të lëvizjeve diplomatike nga mbretëria sunite përpara shpërthimit të luftës së Gazës që kishte sjellë një hap më afër se kurrë vendosjen e marrëdhënieve midis Arabisë Saudite dhe Izraelit.
“Mbretëria nuk do të ndalojë punën e saj të palodhshme për të krijuar një shtet të pavarur palestinez me Jerusalemin Lindor si kryeqytet dhe ne konfirmojmë se mbretëria nuk do të vendosë marrëdhënie diplomatike me Izraelin pa ndodhur kjo,” tha Mohammed bin Salman, i njohur si MbS.
Pas shpërthimit të luftës në tetorin e kaluar midis Izraelit dhe Hamasit, Riadi ngriu planet e mbështetura nga SHBA për mbretërinë sunite për të vendosur lidhje me Izraelin, thanë dy burime me njohuri për qëllimet e Riadit në fillim të këtij viti, në një rirregullim të mprehtë të prioriteteve të tij diplomatike.
Mohammed bin Salman tha disa javë përpara se të shpërthente lufta e 7 tetorit se Riadi ishte afër arritjes së një marrëveshjeje me shtetin hebre.
Megjithatë, gjithçka ndryshoi me fillimin e luftës në Rripin e Gazës.
Dy burimet i thanë Reuters se do të kishte një vonesë në bisedimet e mbështetura nga SHBA për të normalizuar lidhjet saudite-izraelite, që shihet si një hap kyç për mbretërinë për të siguruar atë që e sheh si çmimin e vërtetë të një marrëveshjeje të mbrojtjes së SHBA-së në këmbim.
MbS i bëri komentet në një fjalim vjetor në këshillin këshillues të Shura-s, të cilin ai e mbajti në emër të babait të tij, mbretit Salman. /tesheshi.com/
