Një aeroplan që fluturonte për në SHBA iu desh të bënte një ulje emergjente pasi pasagjerëve papritmas filloi t’u rrjedh gjak nga hunda dhe veshët.
Drama u shpalos në një fluturim të Delta Air nga Salt Lake City në Portland. Sapo avioni u ngrit, ndodhi diçka e paimagjinueshme – disa pasagjerë vunë re që u pikonte gjak nga hunda dhe veshët. Reagimi i parë i pilotit ishte të bënte një ulje emergjente.
“Dëgjova një tingull fërshëllimë, dhe më pas papritmas ndjeva një dhimbje në veshin tim të djathtë. Më dukej sikur kishte një gumëzhitje në veshin tim. Dhe më pas pashë gjak”, tha një pasagjer për CNN.
Arsyeja u bë shpejt e qartë: një problem me presionin e kabinës. Rënia e presionit përkeqësohej çdo minutë, duke bërë që piloti të kthehej mbrapa dhe të ulej në Solt Lake City.
Pas uljes, dhjetë pasagjerë iu desh të merrnin kujdes mjekësor.
“U kërkojmë sinqerisht falje të gjithë pasagjerëve për përvojën e tyre në fluturimin 1203”, tha Delta Air në një deklaratë, raporton Mondo. /tesheshi.com/
