Pasi Rusia iu përgjigj dëbimit të diplomatëve të saj nga Uashingtoni, duke larguar 60 diplomatë amerikane dhe duke mbyllur konsullatën amerikane në Shën Peterburg, duket se është radha e Shtëpisë së Bardhë në “betejën” e nisur mbi rastin e helmimit të ish-spiunit Skripal. Departamenti amerikan i Shtetit e komentoi vendimin e Moskës si të pajustifikuar.
Zëdhënësja e Departamentit Amerikan të Shtetit, Heather Nauert ftoi Moskën që të mos sillej si viktimë dhe sugjeroi se SHBA nuk do të qëndronin duarkryq. Kremlini njoftoi dëbimin e rreth 150 diplomatëve si kundërpërgjigje e vendimit të SHBA-së dhe vendeve të tjera.
Më shumë se 20 shtete dëbuan diplomatë rusë, pasi Britania e Madhe akuzoi haptazi Moskën për përfshirje në helmimin me agjent nervor të ish-spiunit Sergei Skripal dhe vajzës së tij Julia, në 4 mars. /tesheshi.com/
