Futbollisti francez Karim Benzema ka nënshkruar kontratë trevjeçare me Al Ittihad, klub nga Arabia Saudite, duke ndjekur kështu shembullin e ish-shokut të tij te Reali, Cristiano Ronaldo
Dihej prej ditësh që Benzema do të vazhdonte karrierën në atë klub, pasi shkroi faqet e historisë me fanellën e Real Madridit, të cilës i tha lamtumirë në fundjavë dhe shënoi një gol ndaj Athleticos në ndeshjen e fundit për Realin. .
Al Ittihad do të jetë klubi i tretë në karrierën e sulmuesit 35-vjeçar francez, i cili e nisi si lojtar i Lyon-it dhe është me Realin që nga viti 2009, raporton AFP.
Në total, ai shënoi 354 gola për Realin dhe është golashënuesi i dytë më i mirë në historinë e klubit madrilen.
I pari është Cristiano Ronaldo me 450 gola.
Portugezi mbërriti pak më herët në Arabinë Saudite, duke veshur fanellën e Al Nassr.
Benzema është fituesi aktual i Topit të Artë dhe me Realin ka fituar pesë herë Champions League, si dhe Kupën e Botës për Klube.
Ai gjithashtu fitoi katër tituj kampion spanjoll.
AFP nuk zbuloi detajet financiare të kontratës së nënshkruar nga Benzema me Al Ittihad.
Saudi Al Arabya News raportoi jozyrtarisht se Benzema duhet të fitojë rreth 100 milionë euro në sezon në klubin e tij të ri.
Pos kësaj, fetarisht ndihet si në shtëpinë e tij pasi i përket besimit musliman. /tesheshi.com/
