Ministri gjerman i Shëndetësisë Jens Spahn mbrojti vendimin e tij për të blerë stoqe shtesë të ilaçit antiviral Remdesivir për trajtimin e COVID-19, duke theksuar se ky ilaç nga Gilead është i dobishëm sidomos në fazat e hershme të sëmundjes.
“Për shkak se ka kuptim në disa situata dhe sepse kërkesa është rritur shumë, ne kemi blerë furnizime shtesë të Remdesivir-it”, tha ai në një konferencë shtypi.
Gjermania njoftoi të hënën se kishte kërkuar rreth 5 përqind të stoqeve të Remdesivir-it nën një kontratë 6-mujore evropiane me Gilead, pavarësisht kritikave se nuk kishte prova që ilaçi anti-Ebola ishte efektiv kundër COVID-19.
Uwe Janssens, kreu i shoqatës gjermane të kujdesit intensiv DIVI, tha se një studim i kryer nga Organizata Botërore e Shëndetësisë (OBSH) mbi Remdesivir-in që vinte në dyshim efektivitetin e tij në COVID-19, nuk ishte shqyrtuar ende.
“Kjo është arsyeja pse ne e shohim atë me kujdes”, tha ai, duke shtuar se beson se ka kuptim të përdoret ilaçi në fazat e hershme të trajtimit.
Shtetet e Bashkuara kanë dhënë miratim të plotë për përdorimin e Remdesivir-it për trajtimin e pacientëve me COVID-19.
Sidoqoftë, një studim i gjerë i kryer nga OBSH në fillim të këtij viti zbuloi se ilaçi ka shumë të ngjarë të mos ketë efekt në shkallën e mbijetesës së pacientëve të shtruar në spital të përfshirë në studim.
Mjekët zviceranë thanë se edhe ata vazhdojnë të përdorin Remdesivir-it në spitale. /tesheshi.com/
