Për të tretin vit radhazi, Apple është numri një në botë për vlerën e markës. Brendi me mollë ka rritur vlerën e tij në 43% në një bazë vjetore, duke arritur në 170.3 miliardë dollarë. Në vend të dytë renditet Google, me 120.3 miliardë (+12%) ndërsa në vend të tretë ndodhet Coca Cola me 78.4 miliardë (-4%). Klasifikimi vjen në raportin e XVI vjetor “Best Global Brands” të Interbrand, e cila ka renditur kompanitë hi tech mes 10 kompanive të para në listë.
Në bazë të top 10 botërorit, Microsoft rritet me 11% me 67.7 miliard dhe kalon mbi IBM (65.1 miliard, -10%). Në të njëjtin vend renditet edhe Toyota me 49 miliard (+16%), e ndjekur nga Samsung (45.3 miliard, e qëndrueshme), General Electric (42.3 miliard, -7%) dhe nga Mc Donald’s (38.8 miliard, -6%). Në vendin e 10 hyn për herë të parë Amazon me +27% në vlerën 37.9 miliard.
Jashtë top 10 ndodhen dy brende të automobilave siç është BMW (37.2 miliardë, +9%) dhe Mercedes Benz (36.7 miliardë, -7%). Volkswagen ndodhet në vendin e 35 me 12.5 miliard dhe me një rritje 9%. Vitin e shkuar ndodhej në vendin e 31-të./tesheshi.com/
