Tjetër zë që Presidenti Trump do ta njohë Jerusalemin si kryeqytetin e Izraelit, një zhvillim që po pritet me ankth nga bota pasi mund të provokojë trazira në Lindje pas një reagimi të pritshëm të botës muslimane.
BBC citon zyrtarë të administratës amerikane që ta kenë konfirmuar këtë fakt, por duke shtuar se zhvendosja e ambasadës amerikane nga Tel-Avivi në Jerusalem nuk do të ndodhte menjëherë.
E gjitha pritet të konfimohet nga një fjalim i pritshëm sot nga ana e Trump-it.
Pos vendeve arabe, këtë vendim të Presidentit Trump – nëse ndodh – e ka kundërshtuar njëzëri i gjithë faktori ndërkombëtar. Ndryshimi i vetëm ka qenë gjuha. Nëse bota arabe, e posaçërisht ajo muslimane, e kanë cilësuar si “katastrofë”, BE ka thënë se do ishte një akt i njëanshëm “me pasoja”. /tesheshi.com/
