Në “hall” të madh për të zëvendësuar Philip Lahm, që la futbollin, klubi i Bayernit të Mynihut, u detyrua të “shpikte” një mbrojtës të djathtë, duke spostuar në krah, një mesfushor qendre si Joshua Kimich.
Por kësaj rradhe bavarezët duket se e kanë identifikuar pasuesin e Lahm, të cilin e kanë piketuar nga Bundesliga.
Ai është Jeremy Toljan, 22-vjeçari që sapo vjen me titullin kampion Europe që fitoi me kombëtaren gjermane të 23-vjeçarëve. Mbrojtësi që luan aktualisht me Hofenheim në Gjermani, ka rënë shumë në sy gjatë Europianit “të Shpresave”, duke shënuar gola, dhënë asist e duke e bërë “krahun vizë”.
Toljan po ndiqet me interes “veror” nga disa klube europiane, si Chelsea, Napoli, madje edhe nga Real i Madridit. Mbrojtësi që ka shpejtësi në veprimet sulmuese, por ka “edhe frymë” për të mbuluar kundërshtarin në fazën mbrojtëse, ka marrë edhe “bekimin” e vetë Lahm, i cili ka përdorur superlativa për Europianin e 22-vjeçarit.
Tashmë trajneri Anceloti po mezi-pret mbrojtësin që i mungon prej një sezoni, ndërsa Hoenes e Rumenige, duhet të nxitojnë që ta kenë, sepse Reali e Chelsea, kanë filluar të shtojnë “zerot”, në oferta. /tesheshi.com/
