Kryeministri Edi Rama dhe kreu i PD-së, Lulzim Basha, u përfshinë në replika mes tyre, gjatë seancës parlamentare të së enjtes.
Debati u përqëndrua në rendin dhe sigurinë në vend, referuar ngjarjes së ndodhur në Elbasan, e cila u kthye në një kryefjalë për opozitën, për të treguar lidhjet e krimit me qeverinë.
Por kryeministri në reagimin e tij, duke iu drejtuar kreut demokrat, tha se PD po shkon nga humbja në humbje. Gjithashtu Rama tha se me politikën e ndjekur poi a hiqni një nga një tullat PD-së, duke lënë të nënkuptohet se partia më e madhe e opozitës po shkatërrohet.
“Do të shkoni nga humbja në humbje nëse nuk kuptoni se cili është roli juaj në këtë skenë. Në europën e sotme synojnë kundërvënien ndaj projektit të Europës.
Krim etnik shqiptar është një shprehje raciste, që duhet ta neverisim bashkarisht, por takoheni me atë që e përdorin.
Po bëni lobim të krimit dhe për këtë arsye jeni në këtë gjendje. Ikni nga parlamenti për të marrë vota dhe ktheheni me më pak pupla.
Po e bëni qesharak rolin e opozitës, qesharake, që opozita shqiptarë të tundë flamurin e krimit etnik shqiptar.
Krimi është krim, dhe kriminelët nuk kanë atdhe. Fakti që shqiptarët targetohen nga gojë të shqyrera, nuk do të thotë se i thonë kancelaritë, pasi të dëgjoni ju ca thonë kancelaritë për ju, vajmedet.
Sikur, Shqipëria të ishte atdheu i krimit sikur thoni ju, si mendoni ju këta partnerët tanë nuk do të flisnin. Nuk keni guxim, keni filluar që të ktheheni te çadra.
Jam i bindur se mund të bëni më tepër te ky vend dhe ne të bëjmë gjithça për të përmirësuar. Nëse doni të keni besueshmëri dilni nga çadra dhe ballafaqohuni me argumentet. Na katandisët, na merruat, hiqini kryetarit fantazmën e Republikës së re. Ejani në vete dhe të debatojmë për gjërat që na takojnë, jo përralla. Ejani në vete”, u shpreh Rama.
Ndërsa, kreu demokrat duke iu përgjigjur i ka kujtuar historinë e Griseldës, ish-bashkëshorten e ish-kryetarit të Bashkisë së Kavajës, Ervis Roshit.
“Zotërote e çove Griseldën në Bruksel. Ti inskenove një skenar të denjë vetëm për filma horror për të ndalur Shqipërinë dhe integrimin që opozita të mos vinte në pushtet. Na tromakset. Edhe zonja e nderuar Fajon e kishte marrë vesh dy muaj më parë. U verbova nga dëshira për pushtet dhe inskenove me Elvis Roshin historinë”, tha ai.
“Ti e bërë gjithë Shqipërinë Lazarat. Edhe në Dibër e çove drogën. Kush e bëri? Opozita. Imperialistët e huaj? Kush e bëri. Ti duhet tu kërkosh falje shqiptarëve. A u premtove shqiptarëve negociata? S’kam fuqi unë të bllokojë negociata, por ti që qeveris me krimin.”, tha Basha. /tesheshi.com/
