Edi Rama duhet të ndajë mendjen se me kë do të jetë: me bandit apo vetingun, pasi me të dyja njëkohësisht nuk mund të bëhet.
Ky është reagimi i kreut demokrat Lulzim Basha, i cili përmes një deklarate ka reaguar pas debateve në grupin parlamentar socialist, ku një nga pikat më të diskutuara ishte mbështetja financiare ndaj institucioneve të vetingut.
Basha shprehu mbështetjen e PD për kërkesat e institucioneve të vetingut, qofshin ato financiare apo burime njerëzore, duke shtuar se edhe vota pro më 22 korrik ka qenë jo vetëm për ngritjen e tyre, por edhe për një funksionim sa më të mirë.
“Dje kemi pasur një mbledhje të gjatë për rendin e ditës së Kuvendit dhe për mbështetjen e organeve të vetingut. Komisioni i vetingut kanë bërë kërkesë për t’u mbështetur sipas ligjit me personelin që do ndihmojnë shqyrtimin e integritetin dhe pasurinë e gjyqtarëve dhe prokurorëve. Rama ka vendosur ta sabotojë që në hapin e parë zbatimin e vetingut, ka shkurtuar në komisionin parlamentar me 40% kërkesat e komisionit të vetingut. Ai paguan më shumë personel në kryeministri se sa paguan Donald Trump në Shtëpinë e Bardhë, gjysmën i ka sharës, para për sharës me pagesë ka plotë. Rama akt djallëzor sabotimi të reformës në drejtësi.
Ne bllokuam përpjekjet për të kapur vettingun. Ne e votuam vettingun ne 22 korrik, dhe komisionet u ngritën me votën e PD-së. Ne votuam që këto komisione të kenë mbështetjen e duhur financiare. Shapin nga sheqeri e ndajnë faktet dhe jo fjalët. Edi Rama duhet të ndalet. Nuk mund të ketë edhe me bandën edhe me drejtësinë. Të dyja nuk rrinë në një vend. Kaq e kaptin çdo shqiptar. O me bandat o me drejtësinë. PD do të propozojë në seancë plenare amendamente në lidhe me atë çfarë duhet për vettingun”, tha Basha.
Në vijim, kreu demokrat paralajmëroi se në seancës e së enjtes, PD do të ketë propozimet e saj që do të vijnë edhe falë konsultave me aleatë që do të jenë në shërbim të qytetarëve.
“Grupi parlamentar i PD do propozojë amendamentet për të rivendosur atë që kanë kërkuar organet e pavarura të vetingut që të kenë mbështetjen e plotë financiare dhe të mos jenë në mëshirën e një njeriu që deri më sot ka zgjedhur bandat dhe jo drejtësine”, tha ai. /tesheshi.com/
