Kryetari i PD, Lulzim Basha ka akuzuar fuqishëm mazhorancën pas publikimit të raportit të Departamentit amerikan të Shtetit. Në një reagim zyrtar, lideri i opozitës deklaroi se “Shqipëria është një rast unik ku tutorët e vajzave të shfrytëzuara për prostitucion bëhen deputetë dhe kryetarë bashkish,”, ka deklaruar Basha.
Kreu i PD-së tha se do të vijojmë betejën për dekriminalizimin e politikës, duke pasur përkrah SHBA dhe BE.
Basha ka akuzuar dyshen qeverisëse Rama-Meta për bashkëpunim me qarqe kriminale për blerje votash dhe afera të tjera.
“Rama dhe Meta heshtin sepse krimi dhe personat me prejardhje kriminale janë themeli i kësaj qeverie”, ka theksuar Basha.
/tesheshi.com/
