Bajrami festohet ndryshe në vende të ndryshme, në varësi të traditave dhe zakoneve të vendit.
Po në Dubai si festohet?
Të huajt përbëjnë gati 91% të popullsisë gjë që e bën Dubain një vend plotë multikulturalizëm dhe multifetar. Bajrami në këtë vend dhuron një spektakël të mrekullueshëm të harmonisë fetare dhe bashkëjetesës mes vendasve dhe të huajve.
Fishekzjarret. Dubai shndërrohet plot gjallëri dhe drita falë ceremonisë me fishekzjarrë në qendrat kryesore të vendit.
Aktivitete argëtuese në qendra tregtare. Këto qendra ofrojnë aktivitete argëtuese qoftë për muslimanët qoftë për jo muslimanët, për të rritur dhe fëmijë.
Mbrëmjet kulturore. Nëpër qendra të ndryshme kulturore ofrohen panaire prezantimi të kulturës së vendeve të ndryshme të Lindjes së Mesme. Në këto mbrëmje ofrohen shfaqje vallesh tradicionale, ofrohet ushqim tipik tradicional, sfilatë veshjesh popullore etj.
Mundësia për të shijuar një mbrëmje tipike arabe. Shumë restorante dhe lokale ofrojnë në menutë e tyre pjata tradicionale arabe për të rizgjuar nostalgjinë e të festuarit të Bajramit një herë e një kohë.
Ujvara e Dubait. A ka kënaqësi më të madhe në Dubai se të shikosh mrekullinë e kësaj ujvare të zbukuruar me drita dhe efekte, bashkë me miqtë e tu duke festuar Bajramin?
Tatuazhe me këna. Për vajzat dhe fëmijët ofrohet në qendër të qytetit, por dhe nëpër tregje, mundësia për të bërë zbukurime me këna, një lloj tradite arabe, si kujtim për Bajramin. /tesheshi.com/
