Partitë turke filluan takimet e tyre për të vlerësuar rezultatet e zgjedhjeve legjislative që u zhvillua të dielën. Në një kohë kur të gjithë sytë janë drejtuar kah takimi shumë pritur mes Presidentit turk Rexhep Tajip Erdogan dhe kryeministri Ahmed Davutoglu, ndërsa Partia e popujve Demokratik bëri thirrje që mos të kihet fobi nga aleancat partiake.
Burime nga partia për Drejtësi dhe Zhvillim kanë konfirmuar se Davutoglu do të takohet të martën pasdite me presidentin Erdogan në pallatin presidencial të kryeqytetit, Ankara.
Burimet raportuan se ky takim do të vijë pas një takimi që Davutoglu pati në mëngjes në selinë e partisë për të vlerësuar rezultatet e zgjedhjeve.
Nënkryetari i partisë për Drejtësi dhe Zhvillim, Mehmet Ali Shahin, njoftoi se do të mbahen dy mbledhje për të vlerësuar rezultatet e zgjedhjeve dhe për të dizenjuar itinerarin për periudhën e ardhshme.
Kjo erdhi në një deklaratë për shtyp të bërë nga ai para selisë së partisë në Ankara, ditën e hënën pas takimit me dyer të mbyllura që mbajti Davutoglu me Këshillin e Ministrave dhe Këshillin Qendror të selisë së përgjithshme partiake.
Shahin vuri në dukje se partia do të mbajë dy takime të tjera të mërkurën dhe të enjten.
Zgjedhje të parakohshme
Në përgjigje të pyetjes së gazetarëve se a po shkon vendi drejt zgjedhjeve të parakohshme apo drejt formimi të një qeverie koalicioni, Shahin tha: “Unë nuk mund t’i përgjigjem kësaj pyetjeje në këtë kohë, për shkak se procesi i vlerësimit është ende duke në proces.”
Nga ana e tij, kryetar i Partisë së Popujve Demokratik, Salahudin Demiratash ,tha se në Turqi nuk duhet të kihet frikë nga koalicionet qeveritare, sepse shumë vende në botë menaxhohen në këtë mënyrë, duke i bërë thirrje Partisë për Drejtësi dhe Zhvillim që partinë e tij ta konsiderojë si të barabartë.
Përmendim se në këto zgjedhje Partia për Drejtësi dhe Zhvillim që ishte në pushtet ka humbur shumicën absolute në parlament./tesheshi.com/
