Pas një fundjave të heshtur politike, ka vazhduar këtë të hënë debati në Kuvendin e Maqedonisë ku në rend dite është dhe përzgjedhja e kryetarit. Mirëpo siç dhe duket, deputetët e VMRO-së janë angazhuar maksimalisht në debate e replika duke e bërë të pamundur këtë gjë.
Ata u kapën me deputetin e BDI-së, Ejup Alimi, pasi ky i fundit lexoi atë që e quajti jo platformë por deklaratë të partive shqiptare, si për t’jua bërë më të qartë kolegëeve të trishtuar prej saj, të qënit e padëmshme për vendin, shtetin maqedonas; por inatin ia nxorrën LSDM-së, aty ku iu dhemb më shumë.
“Gjysma e koalicionit thotë nuk ka platformë, gjysma thotë ka. Vetëm është dallimi se këtë në fillim e quajtën platformë pastaj filluan ta quajnë deklaratë. Me atë platformë edhe u kushtëzua koalicioni, pastaj lideri juaj Zaev tha se ka mendim pozitiv për platformën e kështu me radhë”, tha deputeti i VMRO-së, Ilija Dimovski, duke iu drejtuar rivalëve të LSDM-së.
Nga ana tjetër, kjo e fundit akuzaoi VMRO-në se qëllimisht po çorienton seancën duke bërë që njerëzit, ata që presin zgjidhje, ta humbasin durimin.
“Nëse do të ishte formuar qeveria sot, qytetarët do të paguanin më pak energji elektrike, do të kishte rrogë më të madhe minimale, nxënësit nuk do të mësonin për testimin ekstern”, tha Damjan Mançevski nga LSDM.
Një tjetër fakt interesant nga seanca e së hënës ishte prezenca e ish-kryeministrit Gruevskit, i cili shfaq 1 orë pasi iu përmend emri si i mungua nga kryesuesi i seancës, Trajko Veljanovski.
Nga dita e parë e seancës konstituive të Kuvendit e deri më sot deputetët e VMRO-së kanë diskutuar 557 minuta ose rreth 9 orë; ato të LSDM-së 305 minuta ose rreth 6 orë; të BDI-së 51 minuta dhe të BESËS 9 minuta. Dhe kjo për VMRO-në është argument se debati në Kuvend po zhvillohet dhe se nuk paraqet asnjëfarë bllokimi. M.Krasniqi – /tesheshi.com/
