Jemi mësuar të besojmë përherë se femrat jetojnë më shumë se meshkujt, sa i takon jetëgjatësisë. E vërteta nuk ka qenë përherë kështu. Ai që e vërteton këtë është një studim i realizuar në University of Southern California Leonard Davis School of Gerontology, i cili ka analizuar 1763 persona të lindur nga viti 1800 deri në vitin 1935 në 13 vende të zhvilluara.
Rezultatet kanë qenë të dukshme: në këtë periudhë ka pasur një përmbysje të vdekshmërisë, falë parandalimit të sëmundjeve infektive dhe përmirësimit të dietave ushqimore, çka ka lejuar si femrat edhe meshkujt të jetojnë më gjatë.
Pas vitit 1880, vdekshmëria e femrave është ulur me 70% krahasuar me vdekshmërinë mashkullore. Arsyeja? Femrat kanë arritur të shijojnë përmirësimin e kushteve të jetesës së atyre viteve më shpejt se meshkujt, duke arritur të zgjasnin jetëgjatësinë.
“Kemi vërtetuar se ajo që sot konsiderohet si normale, pra fakti se është normale që femrat jetojnë më gjatë se meshkujt, është një fenomen demografik i ndodhur për herë të parë tek njerëzit që kanë lindur rreth viteve 1800”,- ka thënë Eileen Crimmins, njëra prej kërkueseve.
Ajo që ka shkaktuar vdekjen në një pjesë të madhe të meshkujve, ka qenë pirja e duhanit, çka ka rritur në masën 30% vdekshmërinë, sëmundjet e zemrës, tek të cilat meshkujt kanë qenë të ekspozuar më së shumti. Në kërkimet e ardhshme do të mundohet të kuptohet se në çfarë mënyrë diferencat në dietën dhe aktivitetin fizik mes dy brezave mund të ndikojnë në vurnerabilitetin gjenetik e biologjik në nivel qelizor, aq sa bëjnë edhe diferencën ekstreme mes indeksit të vdekshmërisë tek femrat e tek meshkujt./tesheshi.com/
