“Javelin”-ët e famshëm amerikane, me të cilat ushtria ukrainase po godet rëndë atë rusë, do mbërrijnë së fundi dhe në Shqipëri.
Është pikërisht Shqipëria që ka porositur anti-tankun e njohur. Kjo u bë me dije Denis Deliu, një ish-ushtarak, i cili foli në Zona Zero në Top News. Ai tha se kjo lloj rakete kushton 200 mijë dollarë dhe është me rreze infra të kuqe.
“Kushton 200 mijë dollarë dhe është me rreze infra të kuqe. Largësia është 4.7 km dhe është një raketë anti-tank.
Na duhet në kuadër të modernizmit. Shqipëria duhet të forcojë kapacitetet e saj mbrojtëse por dhe sulmuese”, komentoi ai.
Kjo armatosja e ushtrisë shqiptare me armën që po dërrmon rusët në përballje me ukrainasit, vjen në një kohë të trazuar me plot dyshime se mos konflikti mbërrin dhe në Ballkan, pra te ne.
Por edhe pse diplomacia perëndimore i trembet kësaj, duke e marrë të mirëqenë se mund të ndodh, është faktori turk ai që pamundëson, së paku deri tani, që rusët të bëjnë në rajon atë që bëjnë në Ukrainë. Kjo pasi e gjithë hapësira shqiptare në rajon, përfshirë dhe Bosnjën, ka si “rojë” Turqinë. Dhe në këtë moment, kur Rusia po e pëson rëndë nga Ukraina, nuk do e dëshironte një përballje me Turqinë, dronët e së cilës po e grrijnë në Ukrainë. /tesheshi.com/
