Presidenti turk, Recep Tayyip Erdoğan paraqiti skemën inovative për të vendosur nën kontroll nivelet e larta të papunësisë me të cilat po përballet vendi. Ai apeloi kompanitë që operojnë në vend të sistemojnë në punë një person të papunë.
Gjatë një fjalimi përpara liderëve të biznesit, Erdogan vuri në dukje se organizata kryesore e sektorit privat të biznesit në Turqi, Unioni i Dhomave të shkëmbimit të mallrave të Turqisë, ka rreth 1.5 milionë anëtarë. “Nëse secili nga këta anëtar merr në punë një person… kjo do të thoshte punë për 1.5 milionë njerëz të papunë”, tha Erdogan.
“Për fat të keq, nuk mund t’i marrim paratë tona në varr. Ato mbeten këtu. Në këtë rast, le t’u japim punë atyre që nuk kanë”, tha ai në konferencën e mbledhur për çështje të shëndetit dhe sigurisë në punë, në Stamboll.
“Çfarë do të humbasë një kompani”, pyeti ai në mënyrë retorike.
“A do ta shkatërrojë nëse punëson një të papunë? Jo, përkundrazi, do të përfitojë. Eshtë kaq e thjeshtë”, përfundoi Erdogan duke marrë duartrokitje nga liderët e biznesit të mbledhur në sallë.
I akuzuar rregullisht për populizëm, kjo nuk është hera e parë që presidenti Erdogan paraqet qasje interesante ndaj çështjeve ekonomike që shqetësojnë biznesin.
Tashmë, ai ka apeluar disa herë ndaj bankës qendrore të Turqisë për të ulur interesat, edhe pse një gjë e tillë rrezikon të rrisë inflacionin.
Pas një dekade prosperimi të fuqishëm, ekonomia turke ka nisur të ngadalësojë që prej vitit 2012, ndërsa rritja ekonomike ka rënë në 4 për qind gjatë vitit 2015. Vendi ka edhe një deficit të lartë public dhe papunësi mbi 10 për qind.
Kjo panoramën nuk favorizohet aspak nga fakti që Turqia është tronditur së fundmi nga një seri shpërthimesh, që i kanë marrë përsipër nacionalistët kurdë apo grupet ekstremiste. Këto shpërthime kanë bërë që sektori i turizimit të përjetojë momente të vështira.
Por pavarësisht kësaj, të premten agjencia “Standard and Poor’s” rriti parashikimin për Turqinë duke i dhënë një nivel vlerësimi të mirë, duke gjykuar mbi perspektivën e ekonomisë kombëtare për të qenë e qëndrueshme pavarësisht se paqëndrueshmëria politike mund të dëmtojë rritjen dhe planet e reformave.
Përgatiti: Juli Prifti – /tesheshi.com/
