Në Itali, gjatë bllokadës për shkak të pandemisë koronare, pati një rritje të mprehtë të numrit të njerëzve obezë, tregon një studim.
Kjo ka shkaktuar shqetësim midis kardiologëve dhe profesionistëve të tjerë të shëndetit.
Një raport i shkencëtarëve italianë të botuar në European Journal of Clinical Nutrition thekson se personat me mbipeshë duhet të inkurajohen të kthehen në një dietë të shëndetshme dhe aktivitet të rregullt fizik, në mënyrë që të humbasin peshën e fituar gjatë masave kufizuese të futura në luftën kundër COVID-19.
Eshtë thënë se ankthi, stresi dhe frika se nuk do të ketë ushqim të mjaftueshëm gjatë masave kufizuese, janë shkaku i kequshqyerjes së njerëzve, ndërkohë që dhe pasiviteti fizik kanë kontribuar në rritjen e njerëzve obezë.
Italia, një nga vendet më të goditura nga pandemia, ishte e para në Evropë që futi masa të përgjithshme karantine në fillim të marsit për të parandaluar përhapjen e COVID-19, dhe doli nga bllokada duke lehtësuar gradualisht masat pas rreth tre muajsh. /tesheshi.com/
