Ambasadori i Rusisë në Tiranë, ka paralajmëruar Tiranën zyrtare në mënyrë direkte nga ekrani i një televizioni shqiptar.
Ambasadori Aleksandër Karpushin, deklaroi për AbcNews, se ndjekja e sanksioneve të BE-së ndaj Rusisë, janë bërë totalisht pa asnjë përfitim për shqiptarët dhe për këtë penalizohet vetëm Tirana.
“Shembulli i Shqipërisë dhe Malit të Zi flet vetëm për një gjë, për gatishmërinë e tyre të sakrifikojnë interesat e qytetarëve në këmbim të një përfitimi të pasigurt.
Siç e shohim, askush nuk ka ndërmend t’u garantojë atyre një integrim të përshpejtuar në Bashkimin Evropian”, tha ambasadori rus, duke paralajmëruar se Shqipëria nuk do të hyjë në BE dhe po bën një veprim larg interesit të saj.
Karpushin deklaroi se politika e sanksioneve të BE-së dhe SHBA ngjall vetëm keqardhje dhe në bazë të recirocitetit, edhe ne kemi ndaluar importin e të gjitha produkteve shqiptare në Rusi.
Duke përmendur vitin 2014, ambasadori Karpushin tha se eksportet shqiptare në Rusi u rritën 4 herë dhe ndalimi i tyre dëmton vetëm bujqit shqiptar. /tesheshi.com/
