Ambasadori amerikan në Kosovë, Greg Delawie, ka vizituar qendrën e votimit në shkollën fillore “Ismail Qemali” në Prishtinë.
Ai me këtë rast tha para mediave se Kosova mund t’i tregojë Ballkanit dhe botës se si do të duhej të mbyllej një proces zgjedhor.
“Kosova le të jetë shembull për zgjedhje të mira, pa incidente dhe të monitoruara mirë,” ka deklaruar Delawie.
Sipas ambasadorit, janë katër ekipe të ambasadës amerikane që po e përcjellin procesin nëpër të gjithë Kosovën.
Në këtë shkollë, Delawie u prit edhe nga kryetarja e KQZ-së, Valdete Daka. /tesheshi.com/
