Nuk merr fund absurdi i politikës shqiptare. Kryetarët e rinj të bashkive ndahen sipas “stanit”. Kështu ndërsa Edi Rama ka ftuar të gjithë të zgjehdurit vendorë për të biseduar mbi një bashkëpunim me qeverinë, është bojkotuar nga të zgjedhurit nga radhët e PD-së, të cilët gjithashtu janë thirrur pasdite në një takim nga kreu i PD-së, Lulzim Basha.
Kryeministri Edi Rama takoi kryebashkiakët e rinj të dalë nga zgjedhjet e 21 Qershorit. Në takim mungonin të zgjedhurit e djathtë, përveç kryebashkiakut të Përmetit dhe atij të Dropullit.
“Mungesa e kryebashkiakëve të djathtë është dëm i drejtpërdrejtë në punën e tyre. Jemi në kushte të jashtëzakonshme, pasi puna ka përgjegjësi dhe është e domodoshme të harmonizohen hapat në funksion të një tranzicioni jo të lehtë të kalimit në 61 njësitë e reja vendore”, tha Rama. /tesheshi.com/
