Pas arrestimit të bujshëm dje të dy deputetëve, Tom Doshi dhe Mark Frroku, ngjarja më në objekt të debateve ishte braktisja nga ana e grupit parlamentar të PD-së e sallës së parlamentit kur do votohej për kërkesën e Prokurorisë për dy deputetët në fjalë.
Kjo, pasi ditë më parë, kryetari Lulzim Basha premtoi mbështetje për Prokurorinë, deklaratë e bërë pas një mbledhjeje grupi orët e vona të mbrëmjes. Qëndrimi i shprehur nga ai ishte në koherencë të plotë me nismën e re politike të dekriminalizimit, për të cilën PD-ja pretendon se është ajo inisiatore, gjë është plotësisht e vërtetë.
Edhe deklarimi i deputetes Mesila Doda, e “rebeluara” e djeshme e grupit të saj parlamentar, këtë kishte në thelb pikërisht këtë: që PD nuk ka përse mos e mbështes Prokurorinë – pavarsisht kontenstimeve të ndryshme të natyrës ligjore ose politike – derisa është në ballë të nismës për dekriminalizimin e parlamentit, ku dhe për koiçidencë, dy emrat e arrestuar i përkasin “listës së zezë” që opozita ka për mazhorancën.
Burime të ndryshme, flasim për një reagim të ashpër të disa përfaqsuesve të lartë diplomatikë në Tiranë ndaj kryetarit të PD-së, Lulzim Basha, pas aktit të djeshëm të braktisjes së sallës dhe natyrisht, proçesit të votimit. Po këto burime thonë se Basha ka gjetur një arsye naive (të tipit njerëzor) për t`u justifikuar, ndërsa diplomatët i kanë kujtuar se dhe në këtë rast ka vepruar si me armët kimike.
Kujtojmë që në rastin e armëve kimike, ishte ambasadori Arvizu ai që tha se nga Basha kishte marrë premtimin se do e mbështesete ardhjen e atyre, por më pas u përfshi në një aksion politik kundër tyre.
Ky zhvillim , vjen fill pas thirrjes së politikanëve të lartë të CDU-së gjermane ditë më parë gjatë një vizite të Bashës në Berlin, se nuk duhej të ishte më Berisha vendimarrës politik në PD.
A ndodhi dje me partinë më të madhe opozitare pikërisht ajo me të cilën nuk pajohen ndërkombëtarët, pra vendimarrja finale ende në dorë të Berishës për çdo zhvillim e aksion politik në PD?
Po ta shohësh panoramën e zhvillimeve te djeshme, po! Basha ishte zhvendosur në Kavajë për një protestë të rradhës, ndërsa i gjithë aksioni politik në parlament u udhëhoq nga Berisha, duke shënuar një riaktivizim të fuqishëm dhe të zonjës Topalli, deri dje paksa në hije. /tesheshi.com/
