Ukraina dhe SHBA janë në fazën përfundimtare të negociatave për një marrëveshje minerale, tha zëvendëskryeministrja ukrainase Olha Stefanishina.
Në një postim në rrjetin social X-u, Stefanišina ka shkruar:
“Ekipet ukrainase dhe amerikane janë në fazën përfundimtare të negociatave në lidhje me marrëveshjen për mineralet. Negociatat kanë qenë shumë konstruktive, me pothuajse të gjitha detajet kryesore të finalizuara. Ne jemi të përkushtuar ta përfundojmë këtë shpejt në mënyrë që të vazhdojmë me nënshkrimin.”
“Shpresojmë që liderët e Shteteve të Bashkuara dhe Ukrainës ta nënshkruajnë dhe ta miratojnë atë në Uashington sa më shpejt që të jetë e mundur për të demonstruar angazhimin tonë për dekadat e ardhshme”, tha Olha Stefanishina.
Kujtojmë: Zelensky në fillim të këtij muaji hodhi poshtë një marrëveshje që do t’i jepte SHBA-së akses në mineralet e Ukrainës. /tesheshi.com/
