Kompania më e madhe e medias sociale ka lajmëruar për disa që do të ndodhin në këtë platformë s ë shpejti, të cilat pretendojnë të lehtësojnë jetën tuaj si dhe komunikimin. Themeluesi i Facebook, Mark Zuckerberg dhe drejtues të tjerë kanë prezantuar të mërkurën, disa nga këto ndryshime, ku 7 më të rëndësishmet prej tyre, po i tregojmë më poshtë:
– Ndryshim i ekranit ku shikoni videon. Nëse jeni mësuar që deri më tani të ndryshoni mënyrën se si e shikoni videon, nga vertikale në horizontale, tani do të keni mundësinë edhe ti zmadhoni, afroni e largoni pamjet në video.
– Blerje online dhe detajet më të fundit nga faqet e ndryshme të bizneseve, nëpërmjet Messenger.
– Do të mund të dërgoni mesazhe në Facebook, duke qenë në aplikacione të tjera.
– Videot që do të postoni në Facebook mund të postohen edhe diku tjetër nga të tjerët, pasi do të kenë një kod embed (si kodet e videove në YouTube)
– Nëse komentoni në një vend tjetër, jashtë Facebook-ut, komenti juaj do të shfaqet edhe në Facebook. P.Sh., nëse futeni në një faqe gazete/reviste online dhe komentoni nëpërmjet llogarisë suaj të Facebook, komenti do të postohet edhe në rrjetin social.
– Do të mund të kontrolloni disa pajisje nëpërmjet Facebook. Edhe pse mund të duket e pabesueshme, themeluesit e kësaj kompanie gjigande, kanë lajmëruar se shumë shpejt do të keni mundësinë të komandoni hapjen dhe mbylljen e garazhit nëpërmjet llogarisë tuaj në Facebook, apo të bëni veprime të tilla të ngjashme.
– Të gjithë të interesuarit dhe përdoruesit e faqeve në këtë rrjet, do të kenë më të lehtë të marrin të dhëna analitike për aplikacionet e tyre./tesheshi.com/
