Për herë të parë mediat serbe kanë mbuluar zhvillimet e brendshme politike në Kosovë me në sasi dhe vend të konsiderueshëm.
Thuajse të gjitha mediat kryesore të Beogradit kanë publikuar informacion të hollësishëm me tekst, foto dhe video për protestën e sotme të opozitës së Kosovës.
Mediat kryesore si B92, televizioni publik i Serbisë, Kurir, Blic etj, iu referohen të dhënave që marrin nga terreni prej disa gazetarëve nga Kosova ose postimeve të tyre në rrjete sociale.
B92, në një korespondencë të gjatë mbi protestën e sotme i referohet në fakt edhe agjencisë shtetërore serbe Tanjug, e cila nga ana e saj, thekson se raportimi ka ardhur nga gazetari i saj.
Sipas televizionit publik serb RTS: protesta kaloi me një sërë incidentesh, dhe policia e Kosovës shpërndau demonstruesit nga qendra e qytetit.
Mbështetësit e opozitës hodhën kokteje molotov dhe gurë në ndërtesa qeveritare, ndërsa policia u përgjigj me gaz lotsjellës.
Gazetari i Tanjugut në vendin e ngjarjes, thekson se zjari shpërtheu në oborrin e qeverisë dhe demonstruesit u larguan nga rrugët përreth duke bllokuar trafikun. Sipas agjencisë serbe nuk duhet saktë për numrin e të lënduarve.
Tanjug thekson se protesta e sotme e opozitës është një nga më të mëdhatë të zhvilluar deri tani dhe i mëshon faktit se demostruesit mbanin flamuj të Ushtrisë Çlirimtare të Kosovës, të SHBA-së dhe Shqipërisë, si dhe hodhën sllogane kundër qeverisë, kryeministrit Isa Mustafa dhe Asocacionit të komunave serbe.
Sipas mediave serbe prania e policisë është rritur në të gjithë vendin që në rrugët kryesore që të sjellin nga Mitrovica, Gjilani dhe qytete të tjera të Kosovës në Prishtinë.
Tanjug citon Vetëvendosjes se ka qenë policia e para që ka nisur të provokojë protestuesit dhe për këtë ka edhe filmime.
Kjo lëvizje pohon se policia përdori forcën për të parandaluar demonstruesit për të protestuar të ardhur nga Shqipëria.
Agjencia serbe e lajmeve Tanjug thekson se policia ka ndaluar protestuesit të vinin nga Shqipëria ndërkohë që një pjesë e tyre kanë arritur të vijnë dhe kanë marrë pjesë në demonstratë.
/tesheshi.com/
