Një nënë në Roterdam të Hollandës duke përdorur kontributet publike, ka shpenzuar 15 mijë euro për të ndihmuar vajzën e saj obeze, që të dobësohet.
Beverley Deakin e ka marrë vendimin ekstrem, pasi ka zbuluar se vajza e saj 13-vjeçare Destiny, peshonte 80 kg.
Vajza e cila aktualisht është 15-vjeçe, ka marrë pjesë në një program, kampingu veror për dy vite me radhë, duke humbur 12 kg.
“E di që 15 mijë euro janë shumë para, por synimi im ishte të bëja vajzën time të lumtur”, u shpreh 41-vjeçarja Beverley.
Destiny kishte filluar të hante në çdo orë pas vdekjes së gjyshit në vitin 2009.
“Kur zbulova nëpërmjet analizave mjekësore se vajza ime ishte obeze, mbeta e shokuar. Palestra nuk e ndihmoi aspak. Falë fondit të miratuar nga këshilli komunal i Roterdamit, u bë e mundur që nëpërmjet programeve verore në kamping, vajza ime të dobësohej. Nuk ndihem në faj për atë që kam bërë, pasi doja t’i jepja një të ardhme vajzës time”, u shpreh Destiny./tesheshi.com/
