Me vetëm pak ditë që kanë mbetur deri në fillimin e muajti Ramazan i cili për muslimanët konsiderohet prej muajve të bekuar në kalendarin Islam. Miliona njerëz në mbarë botën janë duke u përgatitur për t’iu përmbajtur një muaji plot me agjërim, lutje dhe adhurim për të ushqyer shpirtrat e tyre, gjersa ua mohojnë trupave të tyre ushqimin dhe pijen, nga agimi gjer në perëndim të diellit.
Më poshtë janë disa këshilla për t’i ndihmuar ata që agjërojnë në mënyrë që të përgatiten dhe përshtasin trupat e tyre gjatë këtyre ditëve të gjata dhe nxehta të verës ashtu që të shmangin ngadalësimin e metabolizmin.
Përgatituni paraprakisht
Atyre që kanë vendosur të agjërojnë u rekomandohet që të fillojnë që tani trajnimin e organizmit të tyre. Për shembull, të lënë mënjanë ushqimet e tepërta. Zakonisht, preferohet agjërimi i disa ditëve para Ramazanit për të patur një tranzicion më të lehtë në Ramazan.
Rregulloni orarin tuaj të gjumit
Mundohuni që të rregulloni ciklin tuaj të gjumit në përputhje me këtë muaj meqë do të zgjoheni herët për syfyr.
Pini ujë të mjaftueshëm për të parandaluar dehidratim
Studimet tregojnë se njeriu mund të mbijetojë javë të tëra pa ushqim, por vetëm disa ditë pa ujë. Ekspertët sugjerojnë se duhet të pini të paktën dy litra ujë (8-10 gota) në mbrëmje gjatë muajit të Ramazanit. Të pasionuarit e kafesë dhe çajit duhet të kenë parasysh se pije të tilla në vetvete nuk plotësojnë sasinë e nevojshme të ditës për të mbajtur të freskët trupin.
Filloni ushqimin tuaj me supë
Supat tradicionalisht kanë qenë pjesë e pandashme e sofrave të Ramazanit pavarësisht stinës që i bie ky muaj. Duke filluar iftarin tuaj me supë, ju do të përgatisni lukthin tuaj.
Hani ngadalë
Ushqimi ngadaltë do të ndihmojë lukthin tuaj që ta tretë ushqimin më lehtë, anise tretja fillon nga goja. Mos harroni se truri merr rreth 15 deri në 20 minuta për të sinjalizuar ndenjën e ngopjes.
Mos harroni proteinat dhe kalciumin
Sigurohuni që të konsumoni mjaftueshëm ushqime të pasura me proteina dhe kalcium. Mishi, produktet e qumështit, vezët janë kryesisht produktet që përmbajnë këto dy elementë.
Parapëlqeni ëmbëlsira të lehta mbi ato të rënda
Dietologët sugjerojnë se është në rregull ngrënia e ëmbëlsirave një deri në dy orë pas iftarit, përderisa ato nuk janë të trasha, të skuqura dhe të rënda si bakllava, kadaifi dhe specialitete të tjera të cilat përgatiten nga përbërës të rëndë si mielli, gjalpi dhe sheqeri, të cilat sigurisht që kënaqin shijen, por mund të mos jenë zgjidhja më e mirë për stomakun tuaj pas një dite të gjatë të agjërimit. Akullorja, pudingu ose frutat janë disa prej ëmbëlsirave të lehta të cilat mund të kënaqin dëshirën për t’u ëmbëlsuar.
Shmangni kripën dhe erëzat e tepërta
Gjatë muajit të Ramazanit nuk është e rekomanduar ngrënia e ushqimeve pikante, të kripura dhe me erëza, pasi që këto mund të shkaktojnë dehidratim gjatë ditës.
Frutat e thata rrisin energjinë tuaj
Konsumimi i frutave të thata si arrave, bajameve, hurmave, etj. jo vetëm që do të rrisin energjinë tuaj, por gjithashtu do të sigurojnë lëndë ushqyese të shëndetshme për organizmin tuaj.
Mos harroni fibrat
Një ndryshim dramatik në rutinën tuaj si Ramazani mund të ndikojë negativisht në funksionimin e zorrëve. Kjo mund të parandalohet duke pasuruar dietën tuaj me ushqime të pasura me fibra, duke përfshirë drithërat, frutat dhe perimet.
Kontrolli i porcioneve
Një prej keqkuptimeve që ndodhin në këtë muaj është të ngrënit më shumë se çfarë është mësuar organizmi juaj, pas një dite të gjatë të agjërimit. Kontrolloni porcionet tuaja që t’i shmangeni shtimit të peshës dhe të keni tretje më të mirë.
Mos e anashkaloni ngrënien e syfyrit
Mos e shmangni syfyrin, vaktin para lindjes së diellit, pasi që ky vakt do të përgatisë trupin tuaj për një ditë të gjatë të agjërimit. Të shumtë janë ata që konstatojnë se syfyri është vakti më i rëndësishëm i ditës pasi që ndalon ngadalësimin e metabolizmin tuaj. Një syfyr i ngrënë mirë përgatit trupin tuaj dhe ju jep forcë. Buka e pasur me fibra dhe drithërat janë të rekomanduara për të ruajtur nivelin e sheqerit në gjak gjatë gjithë ditës.
Qëndroni aktiv
Zvogëlimi i energjisë gjatë ditës i bën agjëruesit të jenë më pak aktivë në këtë muaj. Dalja për një shëtitje pas iftarit është e rekomanduar për të shmangur ngadalësimin e metabolizmin tuaj dhe për të djegur kalori ekstra.
Bisedoni me mjekun tuaj
Trupi i secilit mund të ketë nevoja dhe kërkesa të ndryshme, kështu që është e rëndësishme që ju të flisni me mjekun tuaj, nëse gjendja juaj shëndetësore kërkon vëmendje.
Mos harroni, përmbatja nga ngrënia e tepërt (ushqimi mesatar) është çelësi për t’u siguruar se trupi dhe sistemi i juaj i tretjes nuk do të dobësohen gjatë muajit të bekuar të Ramazanit.
Portali tesheshi.com u uron gjithë besimtarëve agjërim të lehtë dhe muaj të begatshëm!
Marrë nga: Daily Sabah
