Eshtë rrumbullakosur në 50 numrii viktimave nga tërmeti i së martës së 26 nëntorit, e njëherësh, operacionet për të tjerë nën rrënoja janë ndërprerë. Kjo, sipas asaj çfarë konfirmoi kryeministri Rama në mbledhjen e qeverisë në orët e para të mëngjesit.
“Numri i viktimave ka mbërritur në 50 dhe operacionet e kërkim shpëtimit janë ndërprerë”, tha Rama.
Po ashtu, shefi i qeverisë ofroi dhe bilance dëmesh në zonat më të prekura.
Në Tiranë 1192 banesa që kanë dëmtime serioze dhe tani 265 pallate kërkojnë vlerësim. 8 shkolla të dëmtuara, një qendër shëndetësorë”.
Në Durrës kemi 19 ndërtesa të mëdha të dëmtuara, të pabanueshme, 12 prej tyre do prishen. Dje është shembur i pari për 7 të tjerët do presim një raport të huaj që të kemi garanci të plota. Duhet të angazhojmë të gjithë inxhinierët, por duhet të kemi kujdes nga abuzimi. Kjo do të monitorohet nga një kontroll i dyfishtë”, tha Rama.
Ai ofroi dhe shifrën e të akomoduarve në hotele, duke garantuar se do trajtohen me të gjithë përkujdesjen e duhur.
“Personat në hotele 2472, harku i kësaj mikpritje shtrihet nga Durrësi në Gjirokastër. Një pjesë e tyre nuk kanë humbur plotësisht shtëpinë, por janë në kushte frike që nuk lidhen me patjetër me qëndrueshmërinë e godinës por ne nuk do të lëmë pa i shërbyer në këtë fazë të parë.
Ministri i Turizmit po punon ngushtë edhe me shtabet e emergjencave për të vlerësuar çdo familje për t’u trajtuar në afat të gjatë sepse një pjesë do duan vetë të kthehen në normalitet. Shumë shpejt do kemi raportin për qëndrueshmërinë e banesës.
Grupet franceze, greke dhe italiane janë në terren për të vlerësuar banesat. Njerëzit duhet ta kuptojnë se krisjet nuk janë për një situatë kritike. E rëndësishme është struktura mbajtëse. Raportet të jenë të kujdesshme dhe të sakta”, theksoi shefi i qeverisë. /tesheshi.com/
