Me gati një ndeshje stërvitore, pa asnjë sforco, Zvicra mundi pastër Italinë kampione në fuqi e Evropës, duke e larguar nga Gjermania për në shtëpi që në fazën e 16-shes.
Me nga një gol për çdo pjesë – 37′ Freuler, 46′ Vargas – Zvicra gati e dominoi ndeshjen ndaj atyre përballë të cilëve Shqipëria e nisi me humbje Evropianin.
Me një motor fushe si Xhaka, helvetët nuk e patën fare të vështirë që ta sfidonin një Itali të lodhur e gati të pamotivuar për të vijuar më tej.
Veç dy shtyllave, njëra si autogol i mundshëm, azzurët pothuajse nuk e rrezikuan asfare portën zvicerane.
Ishte ndër ato rrugëtime të Italisë në një event të madh ku nuk e shtyn dot më tej në anemizmin e vet tipik të fillimit të një gare.
Kështu, kampionia në fuqi largohet nga ky Evropian në mënyrën më të padinjitetshme të mundshme.
Për ironi, të vetmen fitore e pati me Shqipërinë. /tesheshi.com/
