Barazimi ishte rezultati më i mirë për të dyja skuadrat në synimin për të kaluar përtej fazës në grupe në Euro 2016.
Dy përfaqësueset e grupit A e mbyllën 1-1 sfidën e kësaj pasditeje të vonë.
Të parët që e panë veten në kryesim të lojës qenë rumunët, që përfituan nga një 11-metërsh, të cilin e ktheu në gol Stancu në minutën e 18-të.
Zvicerianët do ta shtonin presionin me kalimin e minutave, për ta gjetur golin në pjesën e dytë. Mehmedi gjuan fort nga brenda zonës në minutën e 57-të, duke shënuar dhe duke barazuar.
Ritmi nuk do të ishte më ai i pari pas barazimit, edhe pse pati disa momente interesante në të dyja portat. Si Zvicra dhe Rumania u dukën të kënaqura me rezultatin nga fundi i ndeshjes.
Barazimi është më në favor të Zvicrës, por dhe Rumania shpreson që pika e marrë ta ndihmojë të zërë vendin e tretë në grup. /tesheshi.com/
