Dhjetëra mijëra njerëz janë evakuuar dhe qindra shtëpi janë shkatërruar nga zjarret pyjore që përhapen në shtetin amerikan të Kolorados.
Zjarret kanë përfshirë Boulder County në veri të Denverit dhe zyrtarët thonë se vdekjet dhe lëndimet janë “të mundshme”.
Boulder, një qytet me më shumë se 100,000 banorë, është rreth pesëdhjetë milje nga Denveri, kryeqyteti i Kolorados.
Rreth 30,000 njerëz nga qytetet Louisville dhe Superior u evakuuan dje dhe guvernatori Jared Polis shpalli gjendjen e jashtëzakonshme.
This video from Colorado’s Marshall fire is terrifying. pic.twitter.com/AWqBvs9lWX
— philip lewis (@Phil_Lewis_) December 31, 2021
“Ky zjarr nuk është çështje burimesh, por një forcë e natyrës”, tha ai, duke shtuar:
“Shpresojmë që erërat të qetësohen”.
Gjegjësisht, erërat me shpejtësi rreth 170 kilometra në orë po përhapin zjarr në rajon pas thatësirës së shpejtë, transmeton BBC.
“Erërat e forta po nxisin zjarr dhe aeroplanët nuk po fluturojnë”, tha në Twitter Jared Polis, guvernatori i shtetit malor, ku shkëmbinjtë takohen me Rrafshnaltën e Madhe.
Ndërsa zjarret e mëparshme në Kolorado kanë shkatërruar kryesisht pjesë rurale të shtetit, zjarret e fundit kanë përfshirë një numër periferish të Kolorados.
Një pjesë e zjarrit shpërtheu pasi erërat e forta rrëzuan shtyllat elektrike dhe shumë shpejt erdhën zjarret më shkatërruese në historinë moderne të atij shteti.
Gati 600 shtëpi u dogjën në zonën e qytetit Superior, tha Joe Pelle, sherif i Boulder County.
Zjarri përfshiu qendrën tregtare dhe hotelin.
Të paktën shtatë zjarrfikës u plagosën, tha Sherif Pelle, duke shtuar se ka “të ngjarë” të ketë më shumë.
“Duke pasur parasysh përmasat dhe intensitetin e zjarrit dhe popullsinë e dendur të kësaj zone, nuk do të habiteshim nëse do të kishte të lënduar dhe të vdekur”, paralajmëroi Sherifi Joe Pelle. /tesheshi.com/
