Policia e Shtetit ka arrestuar mbi 30 persona nën akuzën e zjarrëvënieve të qëllimshme apo nga pakujdesia, ndërsa në vend janë regjistruar mbi 600 vatra, të cilat kanë shkrumbua disa mijëra hektarë pyje, kullota, ullishte apo vreshta.
Në Sarandë është arrestuar një 21 vjeçar nën akuzën e zjarrëvënies së qëllimshme në fshatin Leshnicë duke shkrumbuar rreth 50 hektarë sipërfaqe pyjore.
Sipas policisë Jorgo. R ka ndezur zjarrin në vendin e quajur “Gropa”, ndërsa nuk ka mundur t’i mbajë në kontroll duke shkaktuar dhe një katastrofë të vërtetë.
Po ashtu një tjetër 16 vjeçar është vënë nën akuzë për zjarrin e rënë në vorë, për shkak të cigares së hedhur, ku u rrezikua fabrika e fishekzjarreve dhe një repart ushtarak, raporton Ora Neës.
Në Tiranë po kështu janë arrestuar të paktën 4 persona për zjarrëvëniet në Krrabë dhe te Liqeni Tiranës.
Në Gjirokastër një 70 vjeçar është ndaluar po për zjarrëvënie të qëllimshme.
Ndaj të arrestuarve materialet janë referuar në Prokurorirë e rretheve me akuzën ”shkatërrimi i pronës me zjarr”.
Bazuar në nenin 151 të Kodit Penal të gjitha ata që shkaktojnë me dashje zjarr në pronë dënimi është nga gjobë deri në 5 vjet burg. /tesheshi.com/
