Zhvillohet sot në Tiranë samiti rajonal kundër ekstremizmit. Prezente numri 2 i DASH

Në Shqipëri zhvillohet sot një takim rajonal në nivel ministrash të brendshëm për të diskutuar mbi cështjet që lidhen me radikalizmin e dhunshëm dhe koordinimin mes shteteve për të parandaluar dhe uftuar këtë fenomen.

Ministri i Brendshëm shqiptar, Sajmir Tahiri, tha në fjalën e tij se “Në rajon ka shembuj të mirë të bashkëpunimit ndërkombëtar që kanë dhënë rezultate të shkëlqyera. Të rrisim bashkëpunimin me njëri-tjetrin dhe shkëmbimin e informacioneve për të arritur rezultate efikase. Shqipëria po harton një strategji ku përfshihen institucionet dhe komunitetet, për ta luftuar së bashku këtë dukuri”.

Në takim, i cili pason atë të organizuar muajin e kaluar në Uashington nga Departamenti amerikan i Shtetit do të marrin pjesë 12 vende, ku përvec atyre të Ballkanit perëndimorë, do të jenë edhe shtete anëtarë të BE si dhe Shtetet e Bashkuara të Amerikës të cilat përfaqësohen nga Zv/Sekretarja amerikane e Shtetit për Sigurinë Civile, Demokracinë dhe të Drejtat e Njeriut, Sarah Sewal.

Ministri shqiptar i Punëve të Brendshme, Saimir Tahiri, në prag të takimit, për Zërin e Amerikës foli për masat e ndërmara nga ana e vendit të tij për parandalimin e terrorizmit dhe përfshirjen e shtetasve shqiptarë në konfliktet ushtarake jashtë vendit.

“Masat të cilat i ndërmorëm në Shqipëri çuan drejt asaj që sot të flasim për numër zero të personave të cilët nisen për të marrë pjesë në luftë, e cila nuk është e jona. Këtu gjithsesi është ndryshimi i kodit penal me të cilin parashihen dënime të larta me burg për ata të cilët do të marrin pjesë në luftëra të huaja. Megjithatë, kjo nuk mjafton për Shqipërinë, siç nuk mjafton edhe për rajonin”, deklaroi Tahiri. Mysafirja e lartë amerikane mbrëmë u takua me shefin e shtetit shqiptar, Bujar Nishani.

“Jam i bindur se samiti i parë dyditësh, kushtuar luftës kundër ekstremizmit të dhunshëm, do t’i përcaktojë qartë masat e ardhshme për bashkëpunim ndërmjet aktorëve lokal, rajonal dhe lobal dhe do të arrihet marrëveshje për strategjinë e domosdoshme në atë drejtim”, deklaroi Nishani. Nga ana e saj, Sewal e vlerësoi lartë gatishmërinë e Shqipërisë për të organizuar takime të tilla.

/tesheshi.com/